थोडं तरी जगून घ्या

आयुष्यभर सोबत असून
जवळ कधी बसत नाही
एकाच घरात राहून आम्ही
एकमेकांस दिसत नाही

हरवला तो अपापसांतला
जिव्हाळ्याचा संवाद
एकमेकांस दोष देऊन
नित्य चाले वादविवाद

धाव धाव धावतो आहे
दिशा मात्र कळत नाही
हृदयाचे पाऊल कधी
हृदयाकडे वळत नाही

इतकं जगून झालं
पण जगायलाच वेळ नाही
जगतो आहोत कशासाठी
काहीच कसला मेळ नाही

क्षण येईल एक असा
घेऊन जाईल हा श्वास
अर्ध्यावरच थांबलेला असेल
हा जीवनप्रवास

अजूनही वेळ आहे
थोडं तरी जगून घ्या
सुंदर अश्या जगण्याला
डोळे भरून बघून घ्या
💞💞💞💞💞💞💞💞💞💞