काय असतं हे गाणं

काय असतं हे गाणं
लेखकाच्या लेखणीतून उतरलेलं भावनांचं भरीत
असतं हे गाणं
गायकाच्या कंठातून फुटलेला स्वर
असतं हे गाणं
एकटेपणात पण विश्वासाची साथ
असतं हे गाणं
पराभवाने भरलेल्या दुनियेत जिंकण्याची उमेद
असतं हे गाणं
चुकलेल्या वाटेवर मनात रंगलेली स्वप्नांची लाट
असतं हे गाणं
अर्थहीन जीवनात जगण्याची ओस
असत हे गाणं
बालपणीच्या गोष्टींचा आठवणींचा कप्पा
असत हे गाणं
आईच्या कुशीतल्या अंगाईची ऊब
असतं हे गाणं
बहिणीच्या लग्नात अश्रूंची धार
असतं हे गाणं
जात्यावरच्या दळनाला ओव्यांची मैफिल
असतं गाणं
पडद्यामागच्या कलाकाराचं  संपूर्ण जीवनच
असतं हे गाणं
लग्नाच्या वरातीत बेवड्याचा नागीण डान्स
असतं हे गाणं
निकालादिवशी विजयाचा गुलाल
असतं हे गाणं
वारकऱ्यांच्या दिंडीत नामस्मरणाचा जप
असतं हे गाणं
भजनावरच्या नाटकात कलाकाराचं सोंग
असतं हे गाणं

आठवतंय का मित्रा तुला

http://ajaypatil08.blogspot.com/2019/11/blog-post_24.html?m=1
आठवतंय का मित्रा तुला
आपण कुठं भेटलो होतो
कोण होतो काय होतो कसे होतो आणि का होतो
ना मला माहित होतं ना तुला
पण तरीही मला जवळ केलंस
का केलंस, कसं केलंस,कधी केलंस, कशासाठी केलंस
आठवतंय का मित्रा तुला
हे कधी तुला कळलं ना मला 👌

दिवसा मागे दिवस सरले
मैत्री आपली दाट झाली
लोकांच्या नजरेत आपण खुपत होतो
पण तरीही तू मला जवळ केलंस
का केलंस, कस केलंस, कधी केलंस
आठवतंय का मित्रा तुला
हे कधी तुला कळलं ना मला

जन्माला आला असशील तू परका म्हणून
पण राहिलो आपण सख्खे बनून
लोक विचार करत राहिले
यांची मैत्री एवढी अतूट कशी,
जणू कपला बशीची साथ तशी
त्या लोकांना काय कळणार हे नातं
कधी जुळलं, कुठं जुळलं, कसं जुळलं
आठवतंय का मित्रा तुला
हे कधी तुला कळलं ना मला

मनामध्ये होता एक आठवणींचा कप्पा
याच कप्प्यावर व्हायच्या आपल्या मोकळेपणाच्या गप्पा
आपण तासंतास एकमेकांजवळ
आपलं मन मोकळं करायचो
का करायचो, कधी करायचो, कुठं करायचो
आठवतंय का मित्रा तुला
हे कधी तुला कळलं ना मला

ज्या लोकांना दिला होता आपण
आपल्या मैत्रिपेक्षाही जास्त मान
त्याच लोकांनी भरले होते
खूपदा आपले कान
त्यांनी अफाट प्रयत्न केला
आपल्याला वेगळं करण्याचा
पण तरीही आपण जवळच राहिलो
का राहिलो कसं राहिलो, कशासाठी राहिलो
आठवतंय का मित्रा तुला
हे कधी तुला कळलं ना मला

ज्या लोकांनी आपल्याला वेगळं केलं
आपलं नातं संपवण्याचा प्रयत्न केला
ज्यांना आपलं नातं कुठं तरी खुपत होतं
पण त्यांच्या या कपटी भावनेला
आपली मैत्रीचं एक शस्त्र होतं
बग ना तेच लोक आपल्याला एकटं पाहिल्यानंतर
विचारतात दुसरा नमुना आहे तरी कुठं
पण आठवतंय का मित्रा तुला
ते तस का विचारत होते, कशासाठी विचारात होते
हे कधी तुला कळलं ना मला


आठवतंय का मित्रा तुला
आठवतंय का मित्रा तुला



अजय पाटील

patilajay771@gmail.com